Զմմառու Պատրիարքական կղերի Միաբանութեան` Ս . Միքայէլ ընծայարանի անուանակոչութեան տօն

Շաբաթ 11 Նոյեմբեր 2017-ի առաւօտեան 11-ին, Զմմառ Մայրավանքի`Փոխման Ս.Կուսին մայր եկեղեցւոյ մէջ ` տեղի ունեցաւ Ս.և Անմահ պատարագ Նախագահութեամբ`Ամենապատիւ և Գերերջանիկ Տէր Գրիգոր Պետրոս Ի . Կաթողիկոս-Պատրիարք`Տանն Կիլիկիոյ կաթողիկէ հայոց:

Պատարագը մատուցեց` Զմմառու Պատրիարքական կղերի Միաբանութեան ` Ս . Միքայէլ ընծայարանի և Երանելի Իգնատիոս Մալոյեան դպրեվանքի Տեսուչ` Գեր.Գրիգոր Վրդ.Պատիշահ:

Խորանին սպասաւորեցին համանուն կրթօճախի սաները: Յաւարտ Ս. և Անմահ Պատարագի`Հոգեւոր Տէրը, Վանքիս Մեծաւոր` Գերպծռ.Գաբրիէլ Թ.Ծ.Վ.Մուրատեանը, Տեսուչն ու փոխտեսուչ`Գեր.Տիգրան Վրդ . Ֆիլիպպոսեանը և Վանքին Վարչութիւնը` ներկաներուն շնորհաւորանքները ընդունեցին`Վանքի դահլիճին մէջ :

Ապա դպրեվանքի սեղանատան մէջ ընթացք առաւ հացկերոյթը:

Ողջոյնի խօսքով հանդէս եկաւ նորընծայ`Ռոպէր Թորանեանը: Ապա սաները հնչեցուցին դպրեվանքի քայլերգ 《Օ'ն դու ակումբ》եւ Ե. Չարենցի《Ես իմ անուշ Հայաստանի》օրհներգը:

Օրուան սրտի խօսքը փոխանցեց` Տեսուչ Հայր Սուրբը, զոր հանգամանօրէն ներկայացուց`այսօր հայ իրականութեան մէջ տպագիր մամուլի դերակատարութիւնը, առանձնացնելով` Լիբանանահայ Կաթողիկէ մամուլը, ապա հրաւիրեց Հոգեւոր Տիրոջ, Մեծաւոր Հօր, եւ փոխտեսուչին ու միասնաբար` Օրհնելով《Կանչ Հրեշտակապետին 》 տարեգիրքը` գինեձօնը կատարեցին և հանդիսութեան կարկանդակը բեկանեցին:

Ամենապատիւ և Գերերջանիկ հոգեւոր Տէրը `իր հայրապետական պատգամին մէջ, զոր Ֆրանսերէն արտասանեց`յորդորեց Նորընծաներուն և ժառանգաւորներուն անսասան մնալու իրենց կոչմանը մէջ և շնորհաւորեց բոլոր անոնց, որոնք կը կրեն Հրեշտակապետերուն անունները`ի դէմս Մեծաւոր Հօր`Գերպծռ.Գաբրիէլ Թ.Ծ.Վ.Մուրատեանին:

Աւարտին ներկաները տարեգիրքէն օրինակ մը ստացան և Տէրունական Աղօթքով իր լրումին հասաւ տօնակատարութիւնը: